الرئيسية رياضة “يا حياتنا” أغنية جديدة لفيراج الإفريقي تكتسح مواقع التواصل (فيديو)

“يا حياتنا” أغنية جديدة لفيراج الإفريقي تكتسح مواقع التواصل (فيديو)

0
1

أصدرت مجموعة “أفريكان وينرز” (African Winners) أغنية جديدة بعنوان “يا حياتنا” سرعان ما انتشرت بشكل كبير عبر مواقع التواصل الاجتماعي خاصة و أنها تتحدث عن الوضع العام الذي عاشته و تعيشه بلادنا.

و مست الأغنية شرائح كبيرة من مستخدمي هاته المواقع حتى من غير محبي الافريقي لأنها تحدثت عن القضايا و المآسي التي هزت الرأي العام على غرار حادثة عمدون التي راح ضحيته 30 شابا و شابة و حوادث وفاة العاملات الفلاحيات و غرق الشباب الحراقة في البحر و غرق الطفلة مها القضقاضي و وفاة مشجع الإفريقي عمر العبيدي .

كما سلطت الضوء على انتشار الفساد والرشوة في البلاد والمخدرات في صفوف الشباب.

 

كلمات الأغنية:

يا جدادنا

جينا لحفرة سماوهلنا بلادنا

حفرة ما نعيشو فيها كيما أندادنا

نحبو نخليو عيشة هانية ل ولادنا

يعيشوا غرامهم في لفيراج كيما اعتدنا

و حسادنا

كمشة جبورة يحبو يجيبوها أسيادنا

حسدونا في غرامنا و هلكولنا ستادنا

يحبو يقاومونا و ما عرفوش عنادنا

فيراج نحاربوا عليه و نفكو بلادنا
يا حياتنا

عيشتنا إلي خترناها هاذي حياتنا

هاذي دنيتنا إلي فيها حكاياتنا

هوني لقرحا هوني نحاربوا على خواتنا

و إلي ماتوا ديما عايشين بيناتنا

غناياتنا

علفريقي والربحة إلي زهاتنا

عالحرية و البلاد إلي نساتنا

علمضلومين و الدولة إلي خلاتنا

عالحق إلي يبقى رقبة بناتنا
و الحالة

سرقة و غورة و هوما يحبو لحصانة

في كل دورة لحاكم رشوة و جعالة

شحال من حومة عايشة تهميش و بطالة

ناس مقهورة صارت زطلة و سكارى

و مولانا

لحرام يطيح فيكم يوم القيامة

تي الشعب يصيح لبلاد صارت جبانة

ليجيبها قبيح يروح يبعد ينسانا

أسمع مليح لوغة فيراج أحذانة
بعتوها

نهبتو ملاين للبراني عطيتوها

و رخيتو لعين السرقة دعمتوها

دخلتوا لكوكة لبلاد فزدتوها

هججتو الناس للغربة لزيتوها

خنقتوها

فبابور اللوح ناس للحرقة رميتوها

قداش من روح فالكار إلي قتلتوها

طفلة صغيرة حتى لوديان هزوها

Jamais ننسى كيما نتوما نسيتوها
منظومة نكرهوكم رحمة معاكم معدومة

jamais ننسى اللي ماتو في الكميونة

لميمة خذات وليدها في كرذونة

حرام يموتو تبقاو عايشين نتوما

نتمنى عمر ولد الفيراج نشالله في الجنة

ندعيولو بالرحمة نشالله فقبرو يتهنى

بلاد غبينة ما عندك ما تستنى

نجيبوا حقو لاخر دقيقة عنا

يالقاضي طالبين الحق ملينا كلام الفاضي

اخرتها موت و بحكم ربي راضي

غير الكورفا لتداويلي أمراضي

نحاربو ال systeme كيما درنا في الماضي

يالعالي

في الفيراج نبقى ندير اللي يحلالي

غير الفوضى و نشجع ما عمبالي

صوت المغروم اللي ما عندو والي

فيراج الحق allez الإفريقي allez