الرئيسية متفرقات شنية مدينتي بضبط ؟؟

شنية مدينتي بضبط ؟؟

0
0
مدينتي قبل ماتكون مجمع مصالح إقتصادية هي قبل كل شي حلمة بدات تتحقق، ثلة من الناس إلي عايشين في لمدينة و من لمدينة العربي متاع تونس حبوا إحطو اليد في اليد و يعملوا مبادرة بش تخلق ديناميكية جديدة في لمدينة
باهي شنية بش تعملوا للمدينة والناس إلي عايشين فيها ؟
أول حاجة بش نخدمو على تحسين صورة لمدينة و نبداو إنرجعو بشوية بشوية غرام لمدينة عند التوانسة، بش إنروجو البرامج متاع دورة مع ولاد و بنات لمدينة يحكولكلم حكايات روح لمدينة، تنجموا زادة تكتشفوا بلايص جديدة و تاكلوا من اعز مفما من تصنيف مطاعم لمدينة.
ثاني حاجة إنحبو إنكبرو فالمجموعة متاع المجمع متاعنا بش إنكونو قوة صحيحة ادافع على كل غيور وغيورة على مدينتنا
ثالث حاجة عملنا Label لضمان الجودة بش المواطن كي يهبط يقضي مل مدينة يعرف انو انجم يلقى مايقضي منغير خوف.
توا شكون الناس إلي عاملين مدينتي ؟
نحنا أكثر من 12 طرف فاعل فالمدينة العربي، فما الحرفيين فما أصحاب دور الضيافة فما أصحاب المطاعم، فما زادة المكتباجي. كما قلنا باب المجمع متاعنا مفتوح لكل انسان مغروم بالمدينة غيور عليها و مستعد اساهم في تحقيق حلمتنا.