السياسي والباحث والاعلامي التونسي لطفي زيتون : “مكرم الزروي مظلوم…”

“مكرم الزروي الزروي شاب من شباب تونس المبدع متاع تونس الاخرى، تونس الاحياء الشعبية وين الراب اصبح التعبير الوحيد على معاناتهم و احلامهم.

‎تجرأ في حفل و قال ما لم يقله غيره. حضرت في الحفل امرا مالعايلة الحاكمة ، فأعلمت بوها فقرر تأديبه بأن تم تلفيق تهم بمسك بغاية الترويج لمادة مخدرة على معنى قانون المخدرات، اربعة احكام منها حكم في 2008 و حكمان في 2009 و حكم في 2010 تقضي بسجنه تراوحت الاحكام بين 6 و 7 سنوات في كل القضايا اضافة الى الخطايا المالية و المراقبة الادارية كعقوبة تكميلية . وقتها تحدثنا على القضية وحاولنا نوصلوها لمنظمات حقوق الانسان

‎مكرم عندو 13 سنة في الحبس، ماشافش صغارو يكبروا، ماعاشش احسن سنوات الحياة، و المحامين يأكدو ان التهمة كيدية في القضية .

مكرم مظلوم و قد عاهدنا انفسنا كمواطنين ان ندافع عن المظلومين الى آخر نهار في حياتنا .

تم ايداع مطلب العفو يوم 10 جويلية من طرف الصديقة سعيدة قراش و اتمنّى من كل قلبي انت يتمّ النظر في هذا الملف.

اتمنّى ان يتكرم رئيسنا بالنظر في هذا و هو اللذي عرف بدفاعه عن العدل و العدالة.

اتمنّى ان تنظر اللجنة بعين الرحمة للحالة الانسانية متاع مكرم و يفرح اوّل مرّة بعد 13 سنة.”