partage

منال عبد القوي تتوعد حمدي حدة :قررت نكون عادل العلمي متع تدريس المسرح العشوائي

2017/09/08 22:09

هاجمت الممثلة المسرحية منال عبد القوي في تدوينة نشرتها عبر حسابها الشخصي عبر موقع "فايسبوك" ، الممثل حمدي حدة و ذلك على خلفية تقديمه لدورة تكوينية في المسرح بأحد المعاهد الخاصة لتدريس المسرح.

و قالت "بديت فوتوغراف ومغروم بالفن ونعرفوك تحب تمثّل ودخلت للتياترو كان صدّقني ربي وعطاوك بعض المخرجين ادوار وللاسف فشلت فيها فشل ذريع وكان حشموا بش يقولوهالك هاني انا نقولهالك".

وتابعت "من حقك تمارس الهواية لي تحبها مادام فمّة ناس ممّنة بيك اما يا وخي تتجرّأ تولّي تقرّي وتعمل ورشات مسرح وانت لاك متكوّن عصاميا ولا أكاديميا هوني انا ناقفلك انت و زميلتك الاخرى الي ظهرت في طرف مسلسلات ولات تقرّي في المسرح وهي عمرها لا طلعت على ركح!!!".

و أضافت "بربي اصحاب الفضاءات الثقافية الخاصّة قبل ما تجيبوا حدّ اي حدّ تأمّنوه على ولادكم افهمو انو مادّة المسرح خاصّة جدا وتدريسها عندو بيداغوجيا صعيبة وكاباسها اصعب من مواد اخرى لذلك بربي ماتنبهروش بدور عملو فلان ولا فلتان وتجيبوه يلعب بأولاد الناس!!! "

و قررت عبد القوي أن تكون " "عادل العلمي " متع تدريس المسرح العشوائي".

و هددت بالالتجاء "لوزير التربية ولازم قرار رسمي يشترط شهادة علمية او ما يعادلها لمنخ رخصة للمكوّن الي بش يشرف عالورشة وختى الفضاءات بيدها لازم تاخو رخصة لتدريس المادّة بالك مسيبة"